கொடம்புளி பயன்கள் & தீமைகள் தெரியுமா?😲

கொடம்புளி பயன்கள் மற்றும் தீமைகள்! Benefits and Garcinia cambogia uses in tamil & Kudampuli side effects in Tamil

இன்றைய காலகட்டத்தில், குடம்புளி பற்றி பலருக்கும் தெரிந்திருக்காது! நமக்கு தெரிந்தது எல்லாம் இப்போது புழக்கத்தில் இருக்கும் புதுப்புளி தான்!

கொடம்புளிக்கு பல பெயர்கள் உண்டு. பொதுவாக குடம்புளி, மலபார் புளி, பானைப்புளி, கோடம்புளி, மீன்புளி, மற்றும் பழம்புளி என பல ஊர்களில் அழைக்கப்படுகிறது.

ஆனால் இதன் மருத்துவகுணங்கள் ஏராளம்! உங்களுடைய உடை எடையைக் கட்டுக்குள் வைக்க, குடம்புளி ஒரு அற்புதமான வழி.

குடம்புளி பயன்கள் என்று சொன்னால் வயிற்றுப்புண் மறைய, இரத்த கொழுப்பைக் குறைக்க, பித்தம் குறைய, செரிமானத்தைத் தூண்ட, மூட்டு வலியைக் குணமாக்க, மலத்தை இளக்க, குடல் இயக்கம் சீராக, அஜீரணம் சரியாக, இரைப்பை பிரச்சனகள் கட்டுப்படுத்த என நீண்டு போகும் கொண்டே போகும்.

இந்த பதிவில், குடம்புளியின் பயன்கள், ஊட்டச்சத்து மதிப்புகள் மற்றும் அதை சமையலில் எவ்வாறு பயன்படுத்தி அதன் முழு பயன்களையும் பெறலாம் என பார்க்கலாம்.

கொடம்புளி என்றால் என்ன?

கொடம்புளி என்பது இந்தியாவிலும் தென்கிழக்காசியாவிலும் வளரும் ஒரு மரமாகும். பசுமையான வெப்பமண்டல பிரதேசங்களில் வளரும் இந்த மரம், இந்தோனேசியாவை பூர்வீகமாக கொண்டது. இந்தியாவில் கர்நாடகா, தமிழ்நாடு, மற்றும் கேரளாவில்  பெருமளவில் வளர்க்கப்படுகிறது.

இது தமிழ் மற்றும் மலையாளத்தில் “குடம் புலி”, ஹிந்தியில் “கோரகா”, தெலுங்கில் மலபார் புளி மற்றும் பிரிண்டில் பெர்ரி என்றும் குறிப்பிடப்படுகிறது.

நம் முன்னோர்கள் குடம்புளியை பயன்படுத்தி வந்தாலும், தற்போது நாம் பயன்படுத்துவது இல்லை. இருப்பினும் இன்று வரை கேரள மக்கள் தான் குடம்புளியை அதிகளவு பயன்படுத்துகின்றனர்.

உலர்ந்த பழங்கள் அல்லது புதிய பழங்களின் தோல் சட்னிகள் மற்றும் குழம்புகள் தயாரிப்பதில் பயன்படுத்தப்படுகிறது. நம் நாட்டின் கடலோரப் பகுதிகளில் பாரம்பரிய சமையலில் பயன்படுத்தப்படுகிறது.

கொடம்புளி சதை பற்று நிறைந்த பழம். சமீபத்திய ஆண்டுகளில் பிரபலமானது என்றாலும், கொடம்புளி பழத்தோலில் ஹைட்ராக்ஸிசிட்ரிக் அமிலம் (HCA) என்ற வேதிப்பொருள் உள்ளது. இது சர்க்கரை கொழுப்பாக மாறுவதைத் தடுக்கிறது.

ஆயுர்வேதத்தில் கொடம்புளி பயன்கள்!

இன்றைய காலகட்டத்தில், கொடம்புளி  ஒரு பிரபலமான உடல் எடை குறைக்க பயன்படுத்தப்படும் சப்ளிமெண்ட்!

குடம்புளியைப் பயன்படுத்துவதால் நரை, திரை, மூப்பு நீங்கி வாழ்நாள் அதிகரிக்கும் என்கிறது மருத்துவக் குறிப்பு.

பண்டைய ஆயுர்வேத நூல்களில் கொடம்புளி பற்றி “விருக்ஷம்லா” குறிப்பிடப்பட்டுள்ளது. ஆயுர்வேத நூல்கள் பழத்தை சிறிய, கசப்பான, இனிமையான வாசனையுடன் வாத மற்றும் கப தோஷங்களை அமைதிப்படுத்தும் பழம் என்று விவரிக்கின்றன.

பழச்சாற்றை தொடர்ந்து உட்கொள்வது நாவின்  சுவையை தூண்டுகிறது, உணவு குழாயில் உள்ள நச்சுத்தன்மையை நீக்குகிறது மற்றும் ஒட்டுமொத்த வளர்சிதை மாற்றத்தை மேம்படுத்துகிறது.

செரிமானத்தை அதிகரித்து, நச்சுகளை வெளியேற்றவும், இரத்தத்தை சுத்தப்படுத்தவும் மற்றும் கொழுப்பு திசுக்களை சுத்தப்படுத்தவும் கொடம்புளி பயன் படுகிறது. இதனால் எடை எடை குறைகிறது

கொடம்புளியின் மருத்துவ பயன்கள்

குடம்புளி இலைகள் மற்றும் பழ தோல் இரண்டும் பூஞ்சை எதிர்ப்பு, மற்றும் செரிமான சக்தி கொண்டுள்ளது. இந்த பழத்தின் தோலில் இருந்து தயாரிக்கப்படும் ஜூஸ் அல்லது சர்பத்  செரிமான பிரச்சனைகள், வயிற்றுப்போக்கு, காதில் தொற்று, மூல நோய் மற்றும் புண்களுக்கு நல்ல நிவாரணம் அளிக்கிறது.

சருமத்தின்  உள்ளே இருந்து குளிர்ச்சி அடைய செய்கிறது, முக சுருக்கங்களைக் குறைக்கிறது, நெகிழ்ச்சித்தன்மையை அதிகரிக்கிறது மற்றும் வயதான தோற்றத்தை தடுக்கிறது.

ஆரோக்கியமான உடல் எடையை பராமரிப்பது மட்டுமல்லாமல், ஆழ்ந்த தூக்கத்தை தருகிறது, தோல் மற்றும் முடி வளர்ச்சி அதிகரிக்க மற்றும் PCOS (பாலிசிஸ்டிக் ஓவரி சிண்ட்ரோம்) ஹார்மோன் சமநிலையின்மையை சரிசெய்வது போன்ற பல தனித்துவமான ஆரோக்கிய நன்மைகளை வழங்குகிறது.

12 முக்கியமான கொடம்புளி பயன்கள்

மலபார் புளி என்று பிரபலமாக அழைக்கப்படும் கொடம்புளியை சாப்பிடுவதால் நல்வாழ்வுக்கான அற்புதமான தகுதிகளையும், தோல் மற்றும் கூந்தலில் வெளிப்புறமாக தாவர சாற்றைப் பயன்படுத்துவதன் நன்மைகளையும் பார்க்கலாம்.

1. ​உடல் எடை குறைய

கொடம்புளி பயன்களில் மிகவும் முக்கியமானது உடை எடை குறைப்பு!

கொடம்புளி சாப்பிடுவதால் உடலில் உள்ள கெட்ட கொழுப்புகள் கரைந்து உடல் எடை குறைகிறது. கொடம்புளி உடலின் ஜீரண சக்தியை அதிகரித்து உணவை வேகமாக ஜீரணமாக்குகிறது. மேலும் கொடம்புளியை உணவுடன் சேர்த்து சாப்பிடும் போது பசியை கட்டு படுத்துகிறது.

பழத்தோலை தொடர்ந்து உட்கொள்வது கல்லீரல், குடல் மற்றும் கொழுப்பு திசுக்களில் கொழுப்பு சேருவதைத் தடுக்கிறது.

உடை எடை குறைய கொடம்புளி ஜூஸ் செய்வது எப்படி?

தேவையான பொருட்கள்

• 5 உலர் குடம்புளி பழம்
• 1 கப் தண்ணீர்
• 1 டீஸ்பூன் இஞ்சி, நசுக்கியது
• 2 தேக்கரண்டி ஆப்பிள் சைடர் வினிகர் (விரும்பினால்)
• 3/4 கப் வெல்ல பாகு
• ஐஸ் கட்டிகள்

செய்முறை

• உலர்ந்த குடம்புளியை 1/2 கப் தண்ணீரில் இரவு முழுதும் ஊறவைக்கவும்.
• வெல்ல பாகு, இஞ்சி மற்றும் ஊறவைத்த பழங்களை ஒரு பாத்திரத்தில் தண்ணீரில் கலக்கவும்.
• அதிக வெப்பத்தில் கொதிக்க வைக்கவும்.
• 15 நிமிடங்கள் அல்லது பழம் மென்மையாகும் வரை கொதிக்கவைக்கவும்.
• வெப்பத்திலிருந்து நீக்கி, குளிர்ந்து விடவும்.
• இந்த கலவையை ஒரு பிளெண்டரில் ஒரு மென்மையான பேஸ்டாக கலக்கவும். பிறகு வடிகட்டவும்.

அவ்வளவு தான்! கொடம்புளி சாறு தயாராக உள்ளது.

ஒரு கிளாஸில் 1/2 கப் தண்ணீருடன் 2 டீஸ்பூன் கொடம்புளி சாற்றை கலக்கவும். (தேவைப்பட்டால் ஆப்பிள் சைடர் வினிகர் சேர்க்கலாம்)

குளிர்ந்த சாறுக்கு, பரிமாறும் முன் ஐஸ் க்யூப்ஸ் சேர்க்கவும்.

• இந்த கொடம்புளி ஜூஸ் செய்ய முடியாதவர்கள், ஆன்லைனில் கூட வாங்கி கொள்ளலாம்

2. இதய ஆரோக்கியத்தை மேம்படுத்துகிறது

கொடாம்புளியிலுள்ள ஹைட்ராக்ஸி சிட்ரிக் அமிலம்  இதய பாதிப்பு வராமல் காக்கிறது.

கொடம்புளி, கெட்ட அல்லது எல்டிஎல் கொழுப்பு மற்றும் ட்ரைகிளிசரைடுகளின் அளவைக் குறைப்பதில் முக்கிய பங்கு வகிக்கிறது என்று பல ஆய்வுகள் வெளிப்படுத்துகின்றன. இதன் மூலம் இதயத்தின் ஆரோக்கியம் கூடுகிறது.

இது மட்டும் இல்லாமல் மூளையின் செயல்பாடுகளை தூண்டி மூளையின் ஆற்றலை மேம்படுத்துகிறது.

அசைவ உணவுகளைச் சமைக்கும்போது கூட நீங்கள் கொடம்புளி பொடியைத் சிறிதளவு பயன்படுத்தினால், வயிறு மந்தம் ஏற்படாது.

3. மன அழுத்தத்தை குறைக்கும்

கொடாம்புளியில்  எச்.சி.ஏ-வேதி பொருள் இருப்பதால், கவலை, மன அழுத்தம், அதிகமாக சாப்பிடுதல் போன்ற உணவுக் கோளாறுகளால் பாதிக்கப்பட்டவர்களுக்கு கொடம்புளி நல்ல தீர்வாக இருக்கும்.

4. தொப்பை கொழுப்பை குறைக்கிறது

தொப்பை மற்றும் தொடையைச் சுற்றியுள்ள கொழுப்பை குறைக்க கொடம்புளி சப்ளிமெண்ட்ஸை தொடர்ந்து உணவில் சேர்ப்பது பயன் தரும். தொப்பையில் உள்ள கொழுப்பின் அளவைக் குறைக்க இது உதவும்.

குடம்புளி கலந்த தண்ணீர் தேவையற்ற பசியை அடக்க செய்கிறது. பசியைக் குறைத்து, உங்களை முழுதாக உணர வைக்கிறது. இந்த சூப்பர் புளிப்பு பழம் உடலில் ஆக்ஸிஜனேற்ற அழுத்தத்தை குறைப்பதில் சிறந்தது மற்றும் தொப்பையைச் சுற்றி கொழுப்புகள் அதிகமாக சேருவதையும் தடுக்கிறது.

5. இரத்த சர்க்கரையை கட்டுப்படுத்துகிறது

கொடம்புளி டைப் -2 நீரிழிவு நோயால் பாதிக்கப்பட்ட நோயாளிகளுக்கு இரத்த சர்க்கரை அளவைக் கட்டுப்படுத்துவதில் ஒரு சிறந்த பங்கை வகிக்கிறது.

இது இன்சுலின் உணர்திறனை அதிகரிக்க உதவுகிறது. செல்கள், தசைகளுக்கு குளுக்கோஸின் ஓட்டத்தை எளிதாக்குகிறது மற்றும் இரத்தத்தில் குளுக்கோஸின்  அளவை  குறைக்கிறது.HCA கணையத்தில் ஆக்ஸிஜனேற்ற அழுத்தத்தின் அளவைக் குறைக்கிறது மற்றும் அதிக பிளாஸ்மா குளுக்கோஸ் அளவைக் குறைக்கிறது.

எனவே கொடம்புளி டைப் -2 நீரிழிவு நோயால் பாதிக்கப்பட்டவர்களின் இரத்த சர்க்கரை அளவைக் எளிதாக கட்டுப்படுத்தி சிறந்த பங்கை வகிக்கிறது.

6.  டையூரிடிக் பண்புகள்

இது கொடம்புளி பயன்களில் மிகவும் முக்கியமானது. எடிமா என்பது உடலில் நீர் தேங்கி நிற்கும் ஒரு நிலை.

கொடம்புளியை உட்கொள்வது ஒரு டையூரிடிக் ஆக செயல்படுகிறது, இதனால் சிறுநீர் வெளியேற்றத்தை அதிகரிக்கிறது மற்றும் கூடுதல் நீர் மற்றும் எலக்ட்ரோலைட்டுகளை அழிக்கிறது.

7.  இயற்கை ஆன்டாசிட்

இந்த பழம் குடல் பிரச்சினைகளுடன் போராடுபவர்களுக்கு மிகவும் சிறந்தது. இது இயற்கையான ஆன்டாக்சிட் ஆக செயல்படுகிறது. எனவே செரிமானத்தை எளிதாக்குகிறது.

செரிமான பிரச்சனை உள்ளவர்கள் குடம்புளியை ஊற வைத்த நீரில் மிளகும் சீரகமும் சேர்த்துப் பருகலாம்.

அல்சர், இரைப்பை புண்கள், நெஞ்சு எரிச்சல் மற்றும் வயிற்றில் எரியும் உணர்வுகளில் இருந்து உடனடி நிவாரணம் பெற தயிர் மற்றும் உப்பு கலந்து கொடம்புளி பழத்தோலை சாப்பிடலாம்.

8. முடக்கு வாதத்தில் இருந்து நிவாரணம்

கொடம்புளி தோலில் இருந்து தயாரிக்கப்படும் பேஸ்ட்டைப் பயன்படுத்துவதால் மூட்டுவலி காரணமாக ஏற்படும் வலியிலிருந்து நிவாரணம் கிடைக்கும்.

மூட்டுகள், எலும்புகள் மற்றும் பிற வாத வலிகளுக்கு இது மிகவும் நல்லது.

9. தூக்கமின்மையை போக்க

குடம்புளியின் இலைகள் மற்றும் பழங்களில் கால்சியம், இரும்பு போன்ற முக்கிய தாதுக்கள் நிறைந்துள்ளன. அவை ஆழ்ந்த தூக்கத்தை உறுதி செய்வதற்கு முக்கியமானவை.

கால்சியம் அமினோ அமிலமான டிரிப்டோபனை மெலடோனினாக மாற்றுவதற்கு மூளை செல்களுக்கு உதவுகிறது –  இதனால் மனதை அமைதிப்படுத்துகிறது. இது தூக்கமின்மையைபோக்கி நல்ல தூக்கத்தை கொடுக்கிறது

10. வயதான தோற்றத்தை தடுத்து இளமையாக வைக்க

இயற்கை நிறமிகள், டானின், பெக்டின் ஆன்டிஆக்ஸிடன்ட்கள்,  கொடாம்புளியின் பழச்சாறு மற்றும் தோல் சாறுகள் ஆகியவற்றில் உள்ளன.

இது சரும ஆரோக்கியத்திற்கு மிகவும் உகந்தவை. மேற்பூச்சாகப் பயன்படுத்துவதால், அவை சரும செல்களை UV கதிர் சேதம், தீக்காயங்கள், நிறமாற்றம், தழும்புகள் ஆகியவற்றை குணப்படுத்தவும், சீரான தோல் நிறத்தை தக்கவைக்கவும், முகசுருக்கங்களை போக்கி சருமத்தை இளமையாகவும்,பளபளப்பாகவும் மிளிர செய்கிறது.

• கேரள பெண்களின் அழகு குறிப்புகள் | Kerala Beauty Tips in Tamil

11. முடி வளர்ச்சியை அதிகரிக்கிறது

கொடம்புளி பயன்களில் பலருக்கும் தெரியாதது முடி வளர்ச்சி பற்றியது தான்!

கொடம்புளி  பழம், விதை மற்றும் இலை இவை அனைத்திலும் சக்திவாய்ந்த ஆண்டிமைக்ரோபியல் – பாக்டீரியா எதிர்ப்பு மற்றும் பூஞ்சை காளான் எதிர்ப்பு பண்புகளை இருக்கும்.

கொடம்புளி செடியின் இலைகளை நன்கு மைய அரைத்து, அந்த விழுதை முடி மற்றும் உச்சந்தலை முழுவதும் தடவி வர பொடுகு, தொற்று மற்றும் தொடர்ச்சியான அரிப்புகளை முற்றிலும் நீக்குகிறது.

முடி உதிர்வை வெகுவாகக் குறைக்கிறது, தலைமுடி வேர் கால்களை வலுப்படுத்துகிறது. மற்றும் நீண்ட, அடர்த்தியான, கூந்தல் வளர்ச்சிக்கு பெரிதும் உதவுகிறது!

• சொட்டையில்/ வழுக்கை தலையில் முடி வளர வேண்டுமா?

12. PCOS அறிகுறிகளைக் குறைக்கிறது

கொடம்புளி குறிப்பிடத்தக்க அழற்சி எதிர்ப்பு குணங்களை பங்களிக்கின்றன மற்றும் உடலில் உள்ள ஹார்மோன் ஏற்ற இறக்கங்களைக் கட்டுப்படுத்துகின்றன.

கொடம்புளி பழச்சாறுகள், ரசங்கள், சூப்கள், ஊறுகாய்கள், சட்னிகள் போன்ற  உணவுகளில் சேர்க்கப்படும் போது, ​​ PCOS உள்ள பெண்கள் அனுபவிக்கும் மனஅழுத்தம் மற்றும் வலியைக் குறைக்கிறது, ஹார்மோன் சமநிலையைப் பாதுகாக்கிறது, மாதவிடாய் சுழற்சிகளை ஒழுங்குபடுத்துகிறது மற்றும் குழந்தை பேறு உண்டாக வழிவகுக்கிறது.

கொடம்புளி எங்கு கிடைக்கும்

குடம் புளி அதிக அளவில் ஆன்லைன் மூலம் விற்கப்படுகிறது. நீங்கள் அப்படியே முழு புளியையும் வாங்கிக் கொள்ளலாம்.

• அமேசானில் கொடம்புளி வாங்கலாம்

• கொடம்புளி மாத்திரைகளாகவும் கிடைக்கிறது
• கொடம்புளி தேயிலை சாறு இங்கே கிடைக்கும்
• கொடம்புளி ஜூஸ் வடிவிலும் ஆன்லைனில் கிடைக்கிறது

கொடம்புளி தீமைகள்

கொடம்புளியில் பெரிய பக்க விளைவுகள் இல்லை. அதிகமாக பயன்படுத்தினால் குமட்டல், தலைவலி, மற்றும் வயிற்று அசௌகரியம் ஆகியவை ஏற்படலாம்.

சில சந்தர்ப்பங்களில் இந்த பழம் கொண்ட மூலிகைச் சப்ளிமெண்ட்களை மக்கள் எடுத்துக் கொண்ட பிறகு கல்லீரல் பாதிப்புக்குள்ளானது. ஆனால் இது மிகவும் அரிதானது.

நீங்கள் கொடம்புளியை பயன்படுத்தும் போது உங்களுக்கு எதாவது பக்கவிளைவுகள் ஏற்பட்டால், உடனே கொடம்புளியை உட்க்கொள்வதை நிறுத்த வேண்டும். பின் மருத்துவரை அணுகவும். ஏனெனில் இது பிளாஸ்மா குளுக்கோஸ் மற்றும் இன்சுலின் அளவைக் குறைக்கிறது.

நீங்கள் கர்ப்பமாக இருந்தாலோ அல்லது தாய்ப்பால் கொடுப்பாலோ கொடம்புளி மாத்திரைகளை உட்கொள்ளக் கூடாது, ஏனெனில் கர்ப்பிணி அல்லது பாலூட்டும் பெண்களுக்கு ஏற்படும் விளைவுகள் இன்னும் சரியான ஆய்வுகள் இல்லை.

கொடம்புளியில் உள்ள ஊட்டச்சத்து

கொடம்புளியில் எவ்வளவு ஊட்டச்சத்துக்கள் உள்ளது? சரி இவ்வளவு நன்மைகள் உள்ள கொடம்புளியை, எவ்வளவு சத்துக்கள் உள்ளன என்று பார்க்கலாம்.

தோராயமாக ஒவ்வொரு 100 கிராம் தோலிலும்,

• கார்போஹைட்ரேட்2 கிராம்
• கொழுப்பு5 கிராம்
• புரதங்கள்3 கிராம்
• நார்ச்சத்து24 கிராம்
• 14 மி.கி இரும்பு
• 250 மி.கி கால்சியம்
• 10 மி.கி அஸ்கார்பிக் அமிலம்
• 10 மி.கி ஆக்ஸாலிக் அமிலம்

கொடம்புளி பயன்கள்! Benefits and Garcinia cambogia uses in tamil & Kudampuli side effects in Tamil

முழு நன்மைகளையும் பெற கொடம்புளியை எவ்வாறு உண்பது?

கொடம்புளியின் முழு நன்மைகளையும் பெற நீங்கள் அதை அப்படியே உண்ணலாம். அனால் தினமும் ஊக்க து சரியாக இருக்காது. இரசம், சர்பத், மற்றும் குழம்புகளில் நீங்கள் கொடம்புளியை தினமும் பயன்படுத்தலாம்.

இங்கே கொடம்புளி சர்பத் எவ்வாறு செய்வது என்று கொடுத்துள்ளோம்

கொடம்புளி சர்பத்

தேவையான பொருட்கள்:

• 5 உலர் கொடம்புளி  பழம் (குடம்புளி)
• 1 டீஸ்பூன் இஞ்சி நசுக்கியது
• 1 தேக்கரண்டி ஆப்பிள் சிடர் வினிகர்
• 3 தேக்கரண்டி வெல்லம் தூள்

செய்முறை:

• உலர்ந்த கொடம்புளியை  இரவில் வெதுவெதுப்பான நீரில் கழுவி ஊற வைக்கவும்.
• காலையில், ஊறவைத்த கொடம்புளி பழத்துடன் வெல்லம் தண்ணீர், இஞ்சி சேர்க்கவும். சேர்த்து பழம் கரையும் வரை வேகவைக்கவும்.
• அடுப்பை அணைத்து நன்றாக கிளறி , பழக்கூழை ஆற விடவும். பிறகு வடிகட்டி ஒரு கண்ணாடி பாட்டிலில் ஊற்றி பாதுகாக்கவும்
• ஒரு டம்ளரில், 1 தேக்கரண்டி கொடம்புளி பழக்கூழ், ஐஸ் கட்டி மற்றும் தண்ணீர் சேர்த்து நன்கு கலக்கவும். கொடம்புளி சர்பத் தயார். மருத்துவ குணம் நிறைந்த சர்பத் குடிப்பதால் அருமையான பலன் கிடைக்கும்.

குறிப்பு:

கொடம்புளி  பழக்கூழை குளிர்சாதன பெட்டியில் வைத்தால், குறைந்தது 3 மாதங்களுக்கு புதியதாக இருக்கும்.

தர்பூசணி குடம்புளி ரசம்:

தர்பூசணியை பயன்படுத்தி குடம்புளி ரசம் செய்வது எப்படி என பார்க்கலாம்.

தேவையான பொருட்கள்:

• 2 கப் தர்பூசணி சாறு
• 1 கப் குடம்புளி சாறு (மலபார் புளி சாறு)
• 200 கிராம் துவரம் பருப்பு
• 4 பூண்டு கிராம்பு நசுக்கப்பட்டது
• 1 தேக்கரண்டி ரசம் தூள்
• 1/4 தேக்கரண்டி  மஞ்சள் தூள்
• 1/2 தேக்கரண்டி சிவப்பு மிளகாய் தூள்
• 1 தேக்கரண்டி கடுகு
• 1/2 தேக்கரண்டி மிளகுத்தூள்
• 1 டீஸ்பூன் ஜீரா
• கறிவேப்பிலை மற்றும் கொத்தமல்லி இலைகள்
• 2 தேக்கரண்டி நெய்
• சுவைக்கு உப்பு

செய்முறை:

• தர்பூசணியை துண்டுகளாக வெட்டி விதைகளை அகற்றி ஒரு பிளெண்டரில் அடித்து பிறகு வடிகட்டி  சாறு எடுக்கவும்.
• குடம்புளியை வெதுவெதுப்பான நீரில் ஊறவைத்து சாறு எடுக்கவும்.
• பிரஷர் குக்கரில் பருப்பை வேக வைத்து பிசைந்து கொள்ளவும்.
• அடி கனமான பாத்திரத்தில் தர்பூசணி சாறு மற்றும் குடம்புளி சாறு கலக்கவும்.
• மஞ்சள்தூள், ரசம் பொடி, உப்பு சேர்க்கவும்.
• அதை அடுப்பில் வைத்து, கொதிக்க வைக்கவும்.
• ஒரு கடாயில், நெ.ய்யை சூடாக்கவும். கடுகு,சீரகம் , கறிவேப்பிலை சேர்த்து தாளிக்கவும்
• கொத்தமல்லி இலைகளால் அலங்கரிக்கவும். தர்பூசணி கொடம்புளி ரசம் தயார்.

மேலும் படிக்க:

• பலரும் அறியாத ஆட்டு மண்ணீரல் நன்மைகள்
• சர்க்கரை நோய் அளவு அட்டவணை
• தமிழ்நாட்டின் ருசியான மீன்கள்
• இந்த தக்காளி பேஸ் பேக் முகத்தை அழகாக ஜொலிக்க வைக்கும்

கொடம்புளி பயன்கள்! Benefits and Garcinia cambogia uses in tamil & Kudampuli side effects in Tamil

இதுவரை கொடாம்புளியின் நன்மைகள், தீமைகள் மற்றும் அதை எப்படி உண்பது என்று பார்த்தோம். உங்களுக்கு சந்தேகங்கள் இருந்தால், கீழே கமெண்ட் செய்யுங்கள்!

References

• Medicinal Potential of Garcinia Species and Their Compounds
• Quality Evaluation of Dietary Supplements for Weight Loss Based on Garcinia cambogia
• Things You Didn’t Know About Garcinia Cambogia